వ్యక్తిగతంగా మరియు వివిధ ఇనీబిశిరీబిచీచీ వీజీళితిచీరీ లోను మాకు చాలా మంది నుండి సంతాప సందేశాలు అందాయి. అందులో చాలా మటుకు మా అమ్మగారు వారి మీద చూపిన ఆప్యాయత గురించి వ్రాశారు. ఇది వారందరికీ మా అమ్మ గారి (దుర్గ పిన్ని) మీద ఉన్న వ్యక్తిగత సంబంధానికి తార్కాణమని భావిస్తాను.
నాకు ఊహ రాక ముందు మా తల్లిదండ్రులు పడిన కష్టాల నుంచి బయట పడేందుకు అమ్మ చాలా ప్రధాన పాత్ర వహించింది. మా అమ్మకు జిల్లెళ్ళమూడి అమ్మ అంటే దేవుడు కాదు – దేవుడు అంటేనే అమ్మ. అంటే, ఆమెకు అమ్మ తప్పితే ఇంకో దైవము లేదు. ఏ దేవాలయాలకు (తిరుపతి తో సహా) వెళ్లినా నోట్లోంచి వచ్చే మంత్రం ”జయహో మాతా”. ఆమెకు అమ్మ అంటే అదో పిచ్చి. (దానిని ఇంకెలా వర్ణించాలో తెలియదు).
జిల్లెళ్ళమూడి అమ్మ దగ్గర ఎంత సమయము గడిపినా ఇంకాసేపు గడపాలని తపన. ఎవరైనా అమ్మ గురించి మాట్లాడుతుంటే, ఇంకా వింటూ ఉండాలని తహ తహ. అది మా అమ్మ నుంచి మాకు కూడా కొంచెం వచ్చింది.
మా అమ్మకు, దాని ద్వారా మా అందరికీ, జిల్లెళ్ళమూడి బంధువులు అంటే అదొక ప్రత్యేక అనుబంధం. దీనికి ఒక ఉదాహరణ ఈ క్రింది సంఘటన. మా నాన్నగారు ఫిబ్రవరి 2019 లో కాలం చేశారు. మా నాన్నగారి దహన కార్యం అయ్యి ఇంటికి వచ్చిన సాయంత్రమే అమ్మకి ళీరిజిఖి నీలిబిజీశి బిశిశిబిబీది వచ్చి అపోలో హాస్పిటల్‌ |్పుఏ లో జేర్పించాము. ఈ వార్త విని చాలా మంది ఆందోళన వ్యక్త పరిచారు. ఆ హాస్పిటల్‌ |్పుఏలో ఉన్నప్పుడు పేషెంట్‌ ని చూడడానికి సరిగ్గా ఇద్దరు ఖీరిరీరిశిళిజీరీ ని సాయంత్రం 6 – 6:15 గంటల మధ్యలో పంపిస్తారు. ఒక రోజు నేను, మా అక్కలు అమ్మని చూడాలని అనుకున్నాము. అప్పుడే కామరాజు అన్నయ్య వచ్చి వాళ్ళు వీలుండి పంపిస్తేనే మా అమ్మని తనూ చూస్తాను అని అన్నాడు. కామరాజు అన్నయ్యకి మనస్సులో ఎంత బాధగా ఉంటే అలా వచ్చి ఉండచ్చో అని అనుకున్నాను. ఇక, 6 గంటలు అయింది. నేను ముందర అమ్మను చూసి వచ్చిన తరువాత మిగిలిన వాళ్లు వెళ్లేందుకు ప్రయత్నించొచ్చు అనుకున్నాము. నేను ముందర వెళ్లి అమ్మకి కొంచెము ధైర్యం చెప్తూ, కామరాజు అన్నయ్య, అక్కలు వచ్చారు అని అమ్మకి చెప్పాను. కామరాజు అన్నయ్య మాట వినగానే అమ్మ మొహం విప్పారి, నన్ను చేత్తో తోస్తూ నువ్వు వెంటనే వెళ్లి కామరాజుని పంపించు అని చెప్పింది. ఈ మా అమ్మ ప్రవర్తన చూసి అదొక రకమైన ఆనందం వేసింది. అమ్మకి జిల్లెళ్ళమూడికి ఉన్న సంబంధం స్వయంగా చూడ గలిగాను. ఇలాంటి సంఘటనలు ముందూ తరువాత చాలా ఉండొచ్చు కానీ, ఈ సంఘటన మాత్రం అలా గుర్తుండి పోయింది. ఆ రోజు జిల్లెళ్ళమూడి అమ్మ అన్నయ్య ద్వారా మా అమ్మకి ఏ సందేశం పంపిందో అనుకున్నాను. ఆ రోజు అన్నయ్యే కాకుండా అక్కలు కూడా మా అమ్మని ఖీరిరీరిశిరిదీవీ నీళితిజీరీ లో చూడగలిగారు.
అందరికీ సుగతే అని అమ్మ చెప్పినట్టు, మా అమ్మ కూడా జిల్లెళ్ళమూడి అమ్మ ఒడిలోకి శాశ్వతంగా జేరిపోయిందని అనుకుంటున్నాను.