1. Home
  2. Articles
  3. Viswajanani
  4. మాతృశ్రీ నామ జపయజ్ఞం సెప్టెంబరు 2022 నెల నివేదిక

మాతృశ్రీ నామ జపయజ్ఞం సెప్టెంబరు 2022 నెల నివేదిక

Mellacheruvu V R Sai Babu
Magazine : Viswajanani
Language : Telugu
Volume Number : 22
Month : November
Issue Number : 4
Year : 2022

ఎంతగానో ఎదురు చూస్తున్న అమ్మ శతజయంతికి ఐదునెలల దూరంలో ఉన్నాము. మనందరి హృదయాలు ఆ సంరంభాలు చూడాలని తహతహలాడుతున్నాయి.

అమ్మ స్వర్ణోత్సవం, వశ్రోత్సవం చూసి ధన్యులైన సోదరీసోదరులకు గొప్ప అనుభూతిని అమ్మ ప్రసాదించింది. లక్షమందికి ఒకేసారి అన్నప్రసాదం ఎలా అందించాలో అమ్మ చేసి చూపించింది. అసాధ్యాన్ని సుసాధ్యం చేసింది. అమ్మ సంకల్పం మనలో ప్రవేశించి మనచేత చేయించిన మహాద్భుతం అది. ఎప్పుడూ అమ్మ మనలోనే, మనతోనే ఉంది.

శతజయంతి సంకల్పం ఇచ్చింది అమ్మే. మనచే చేయించబోయేది అమ్మే.

అది జరిగేవరకు మనలో ఉత్కంఠ ఉండనే ఉంటుంది. ఒక చారిత్రాత్మక సంఘటన మన కళ్ళముందు మళ్లీ జరగబోతోంది.

108 కోట్ల జపయజ్ఞం సంకల్పమూ అమ్మ ఇచ్చిందే. ఇది చేయగలుగుతామా అనిపించిన సందర్భాలు లేకపోలేదు.

ఈనాడు దాదాపు 83 కోట్ల అమ్మనామజపం అమ్మ మనతో చేయించింది. అమ్మ ఏది సంకల్పించినా అది మహాద్భుతంగా జరిపిస్తుంది.

అమ్మ సంకల్పం నెరవేరడానికి ఉపకరణాలు మనం. ఎందుకంటే అమ్మ చెప్పినట్లు అమ్మ అవయవాలు కూడా మనమేగా! అమ్మ శతజయంతి మహత్కార్యంలో మనవంతు ఉడతాభక్తిని మనమూ చేయిచేయి కలిపి అందించి తరిద్దాం. ఇలాంటి తరుణం మన జీవితాల్లో మళ్ళీ మళ్లీ రాకపోవచ్చు. జపయజ్ఞం పూర్తి చేసేంతవరకు మనం అవిశ్రాంతంగా ఉందాం.

 

కొంతమంది ఔత్సాహిక జపకర్తల వివరాలు:

 

క్రమ సంఖ్య చేసేవారి వివరాలు జప సంఖ్య
1 మాతృశ్రీ ఓరియంటల్ కాలేజీ విద్యార్థినీ విద్యార్థులు 6,81,75,503
2 శ్రీమతి ఉప్పులూరి శ్రీమహాలక్ష్మి (చిట్టిపిన్ని) 2,09,10,000
3 శ్రీ హరికుమార్ కుమ్మమూరు 86,89,760
4 జిల్లెళ్ళమూడి అఖండ నామం గ్రూపు 3,12,97,804
5 శ్రీ డి వి రామరాజు 18,79,220
6 శ్రీ భవిరిపూడి శ్రీరామమూర్తి నాయుడు 19,64,662
7 శ్రీ ఆర్ యమ్ మోహనరావు 19,58,000
8 శ్రీమతి వఝా సీత 21,83,424
9 శ్రీ తురుమెళ్ళ రమ మాణిక్యరావు 31,12,000
10 శ్రీ చీదెళ్ళ సాంబశివరావు 89,48,400
11 శ్రీ టి వినాయకరావు 24,89,292
12 శ్రీ కె విశాల 75,74,000
13 శ్రీ వరప్రసాద్ కుటుంబం 69,46,344
14 శ్రీమతి మన్నె గంగాభవాని 20,13,000

 

అమ్మ శతజయంతి మార్చి 28, 2023 నుండి ఏప్రిల్ 1 వరకు జరుగనున్నాయి. ఈలోగా సోదరసోదరీమణులు దాదాపు 25 కోట్ల జపం పూర్తి చేయవలసి ఉంది. అందువలన మనం మరింత ఉత్సాహంగా జప లక్ష్యాన్ని చేరడానికి భక్తి శ్రద్ధలతో కృషి చేయవలసి ఉన్నది. మీరు చేయడమే కాకుండా మరింత ఎక్కువమంది ఈ యజ్ఞంలో పాల్గొనేటట్లు చేయవలసిందిగా ప్రార్థిస్తూ.

జయహెూమాతా

Attribution Policy : In case you wish to make use of any of the materials in some publication or website, we ask only that you include somewhere a statement like ” This digital material was made available by courtesy of Matrusri Digital Centre, Jillellamudi”.

error: Content is protected !!