సాధన

సాధన అయినా నీ చేతిలో ఉన్నదని నేననుకోను. సాధన కూడా సాధ్యం కావాలి కదా అనుకుంటున్నాను. సాధ్యంకానిది సాధనచేయలేవు కదా! ఇప్పటికి ఎన్ని రకాలుగా వినివుంటావు? ఎన్ని గ్రంథాలు చదివి వుంటావు? ఎందులోనైనా ఎవరైనా చేయవద్దని చెబుతున్నారా? చేయకూడదని నీకున్నదా? చెప్పేవారు లేక కాదుగా మానుకోవడం. ఎవరైతే ఈ ధర్మాలను, దీనిని ఆచరించే విధానాలను తెలుసుకున్నారో వారే చేయలేక పోతున్నారు. అట్లా కాదని చేతులు ముడుచుకుని కూర్చోవటం చేతనయినా అంతా మనిషి చేతిలో ఉన్నట్లే. అదీ చేతకావటం లేదు. అన్నిటినీ చేయించేదేదో మనకు తెలీదు కాబట్టి మనం చేస్తున్నామని అనుకుంటున్నాం. సాధ్యమయిన దానినే మనం చేస్తున్నాం. ఇది తెలిసేటంత వరకు సాధన చేస్తున్నాం అనుకుంటాం, మనంగా ఏమీ చేయలేమనేది నా అనుభవం, నాన్నా!