ప్రకృతిలో ప్రతిప్రాణి ఆర్తిని బాపేందుకు అవతరించిన జగజ్జనని శ్రీ జిల్లెళ్ళమూడి అమ్మ. అమ్మ అడుగులతో పుడమి పులకరించింది, అమ్మ అడుగుజాడలలో జనవాహిని తరించింది. అమ్మ నుడులు ప్రాజదువులు పలుకుబడులు, అమ్మ పనులు విశ్వమానవ కళ్యాణానికి వేదికలు.
‘వసుధైక కుటుంబకమ్’ అన్న మహోదాత్త భావనకు నిదర్శనం ‘అందరిల్లు’. సర్వప్రాణి పోషణ విశ్వజనని అభిమతమన్న మహోన్నతాదర్శానికి ఆకారమే ‘అన్నపూర్ణాలయం’.
ప్రేమ, త్యాగం, సహనం విశ్వమానవ సౌభ్రాత్రానికి మూలమని ప్రబోధించి అనంత మాతృప్రేమతో కారుణ్యామృతాన్ని వర్షించిన అమ్మ అమ్మలగన్న యమ్మ ముగురమ్మల మూలపుటమ్మ శ్రీ జిల్లెళ్ళమూడి అమ్మ..