డా. K.S.N. మూర్తి, శ్రీమతి రాజ్యలక్ష్మి దంపతులను S.V.J.P. ట్రస్టు 1-1-2025న వాత్సల్యాలయ ప్రాంగణంలోని సమావేశమందిరంలో ఘనంగా సన్మానించింది.
అమ్మ ఆశీఃపూర్వక ప్రసాదంగా దీపించిన ఈ సభను ఆచార్య మల్లాప్రగడ శ్రీమన్నారాయణమూర్తి ఆద్యంతము దక్షతతో రసరమ్యంగా నిర్వహించారు. దీప ప్రజ్వలన, ప్రార్ధన అనంతరం శ్రీ D.V.N. కామరాజు గారు సన్మానగ్రహీతలకు ఆహ్వానితులకు ఆర్ద్రతతో స్వాగత వచనాలు పలికారు.
డా.బి.యల్.సుగుణ, శ్రీ బి. రహికిరణ్ ప్రప్రథమంగా డాక్టర్ మూర్తి దంపతులను సత్కరించి అభివందనాలు చేశారు. SVJP TRUST తరఫున శ్రీ బి.రవీంద్రరావు, శ్రీమతి వైదేహి దంపతులు ఆత్మీయ సత్కారాన్ని అమ్మ ఆశీస్సుల్ని అందించారు. బంధుమిత్రులు ఆదరాభిమానాలతో, అభినందనలతో సన్మానించారు.
సోదర సోదరీ పక్షాన, శ్రీ కొండముది రామకృష్ణ అన్నయ్య ఫౌండేషన్ తరఫున రెండు సన్మాన పత్రాలను సమర్పించారు. శ్రీ ఎమ్. దినకర్, శ్రీ బి.రవీంద్రరావు, శ్రీ వి. ధర్మసూరి, శ్రీ M.V.R. సాయిబాబు, డా.యు. వరలక్ష్మి, డా.బి.యల్.సుగుణ, కుమారి నిఖిత, శ్రీ కొండముది సుబ్బారావు, శ్రీ వి. రమేష్, శ్రీ టి.సాయి, శ్రీ ఎ.వి.ఆర్. ప్రభృతులు సత్యం అన్నయ్య సేవానిరతిని శ్లాఘించారు. అమ్మ స్వయంగా వారిని చేయి పట్టుకుని జీవితంలో ప్రతి అడుగు ఎలా వేయించిందో. ఆయన అమ్మ దివ్య ప్రబోధాన్ని ఎలా ఆచరణలో పెట్టారో అందంగా వివరించారు.. నుదుట తిలకం దిద్ది, మంగళహారతి ఇచ్చి వసుంధర అక్కయ్య సోదరుడు సత్యంను ఆశీర్వదించింది.
సన్మాన గ్రహీత డాక్టర్ K.S.N. మూర్తి తమ స్పందనలో కర్త, కర్మ, క్రియ సర్వం తానే అయి అమ్మ తన జీవితాన్ని, జీవనాన్ని సుసంపన్నం చేసిందని, తనకు అమ్మతో తల్లిగా, తండ్రిగా, గురువుగా, దైవంగా, అన్నగా, బావగా, మార్గదర్శిగా, స్నేహితునిగా (ఎనిమిది) అష్టబంధాలు ఉన్నాయని, అలా పరిఢవిల్లిన భాగ్యశాలినని సుదీర్ఘంగా వివరించారు. తనకు సన్మానరూపంగా ఆశీస్సుల నందించిన అందరికీ ధన్యవాదాలు తెలిపారు.
శ్రీ ఎల్.సత్యనారాయణ (లాలన్నయ్య) కార్యక్రమాన్ని జయప్రదం చేసిన అందరూ మహానుభావులేనంటూ వందన సమర్పణ చేశారు.
వేద ఆశీర్వచన అనంతరం, శాంతిమంత్రంతో సభ ముగిసింది.
ఆంగ్ల నూతన సంవత్సర సందర్భంగా అందరూ అన్నపూర్ణాలయంలో అమ్మ ప్రసాదాన్ని ఆనందంగా
స్వీకరించారు..