“నేనే మిమ్మల్నందరినీ కన్నాను, మీ మీ తల్లులకు పెంపుడిచ్చాను” అన్నది అమ్మ. పెంపుడిచ్చిందే కానీ, మా తల్లిదండ్రుల బాధ్యతలను తాను స్వీకరించి వారిద్దరినీ తరింపజేసింది. అంతేకాకుండా వారి బాధ్యతలను – అంటే వారి సంతానమైన మా బాధ్యతలను గూడ స్వీకరించింది.
మానవ శరీరధారిణిగా అవతరించిన అమ్మ ఆలయప్రవేశం చేసిన అమ్మ నాడూ, నేడూ వేలు పట్టుకుని నడిపిస్తూ వేసిన బంధాలను, ఇచ్చిన అనుభవాలను తన సన్నిధిలో నెమరు వేసుకునే సదవకాశం కల్పించింది.
శ్రీ ధర్మసూరి అన్నయ్యగారి మదిలో మెదిలిన ఆలోచనను సాకారం చేస్తూ శ్రీ విశ్వజననీ పరిషత్ ట్రస్టు వారు 1-1-2025న ఏర్పాటు చేసిన ఆత్మీయ సమావేశంలో సోదరీసోదరుల ద్వారా ‘అమ్మ’ వర్షించిన ఆశీస్సులు- మహాప్రసాదం.
అందరిలో ఉన్న అమ్మ శ్రీచరణాలకు సాష్టాంగ ప్రణామాలు.
అమ్మ ముద్దు పిలుపుల ‘సత్తిగాడు’
(కోన సత్యనారాయణమూర్తి)
(తనకు జరిగిన సన్మానానికి డా. కోన సత్యనారాయణమూర్తి గారి స్పందన)