విశాఖ అమ్మ మందిరంలో సంక్రాంతి

13-1-2025 భోగిపండుగనాడు విశాఖపట్నం అమ్మ మందిరంలో సాయంత్రం 5.30 గం.లకు అమ్మ పూజ, మంగళహారతి, అమ్మ పాదాలకు భోగిపండ్లు సమర్పించారు. అందరికీ అమ్మ ఆశీస్సులతో కుసుమక్కయ్యగారు భోగి పండ్లు పోశారు. వందమందికి పైగా ఈ కార్యక్రమంలో పాల్గొన్నారు. వచ్చిన వారందరికీ అమ్మ ప్రసాదంగా అల్పాహారం (ఇడ్లీ, వడ, ఉప్మా మరియు చక్కెర పొంగలి) అందించారు.

పూజ తర్వాత ఒక కాషాయాంబరధారి వచ్చారు. అమ్మకు భోగి పండ్లు సమర్పించారు. ఉత్తరాఖండ్ దేవభూమిలో తమ ఆశ్రమమని తెలిపారు. అమ్మ ప్రసాదం స్వీకరించి తమ సంతోషాన్ని వ్యక్తపరిచారు. ఇందులో పాల్గొన్న వారందరిపై అమ్మ- హైమల దివ్య ఆశీస్సులువర్షించుగాక!!