1. Home
  2. Articles
  3. Viswajanani
  4. క్రీడోత్సవాలు

క్రీడోత్సవాలు

V Pavani
Magazine : Viswajanani
Language : Telugu
Volume Number : 24
Month : March
Issue Number : 8
Year : 2025

ఫిబ్రవరి 17, నాన్నగారి ఆరాధనోత్సవాల సందర్భంగా మాతృశ్రీ ఓరియంటల్ కళాశాల విద్యార్థినీ విద్యార్థులకు జనవరి 30,81 మరియు ఫిబ్రవరి 1 తేదీలలో నాన్నగారికి ఇష్టమైన ఆటలపోటీలను నిర్వహించారు. 30 వ తేదీన శ్రీ లక్కరాజు సత్యనారాయణ గారు, ఆటల పోటీలను ఆరంభించి విధివిధానాలను తెలియజెప్పారు. ప్రిన్సిపాల్ డా. అన్నదానం హనుమత్ప్రసాద్ మరియు సత్యనారాయణ గారు విద్యార్థులకు Sports Kit ను అందజేశారు.

విద్యార్థులలో క్రీడాస్ఫూర్తిని పెంచుతూ మన కళాశాల అంతర్గతపోటీలను నిర్వహించడమే కాక యూనివర్సిటీ స్థాయి పోటీలలో కూడా పాల్గొనేలా ప్రోత్సహించింది. South zone స్థాయిలో తిరుపతి National Sanskrit University లో సంస్కృత కళాశాల విద్యార్థులకు జరిగిన పోటీలలో మాతృశ్రీ ఓరియంటల్ కళాశాల విద్యార్థులు G. గణేష్, S. హేమంత్లు Badmintonలో రజతపతకం సాధించారు.

జనవరి 25 నేషనల్ ఓటర్స్ డే సందర్భంగా మాతృశ్రీ ఓరియంటల్ కళాశాల అధ్యాపకులు మరియు విద్యార్థులు జిల్లెళ్ళమూడి సమీపంలోనే అప్పాపురం గ్రామస్థులకు ఓటుహక్కును సద్వినియోగం చేసుకోవాలని అవగాహన కల్పించారు.

ఈ కార్యక్రమానికి గ్రామ సర్పంచ్ మరియు గ్రామ సచివాలయం కార్యవర్గ సభ్యులు సహకరించారు, అప్పాపురం గ్రామ సర్పంచ్ మాతృశ్రీ ఓరియంటల్ కళాశాల అందిస్తున్న సామాజిక స్పృహను, వాలంటర్నూ అభినందించారు.

రిపబ్లిక్ డే

జనవరి 26, 2025 ఆదివారం ఉదయం మాతృశ్రీ ఓరియంటల్ కళాశాలలో 76 వ గణతంత్ర దినోత్సవ వేడుకలు జరిగాయి. కళాశాల Principal డాక్టర్ అన్నదానం హనుమత్ప్రసాద్ గారి అధ్యక్షతన జరిగిన ఈ కార్యక్రమానికి శ్రీ గోలి లక్ష్మయ్య (గుంటూరు D.S.P. Crime Branch) గారు విశిష్ట అతిథిగా, శ్రీమన్నారాయణ (Personality Development Motivator) ముఖ్య అతిథిగా విచ్చేశారు. శ్రీ యమ్. సాయిబాబు గారు, Trust Member శ్రీ అక్కరాజు సత్యనారాయణగారు ఈ కార్యక్రమంలో పాల్గొన్నారు. గోలి లక్ష్మయ్య గారు జెండావందనం చేసి, విద్యను అభ్యసిస్తూ ప్రతి పనిలో ముందడుగు వేయాలని విద్యార్థుల నుద్దేశించి ప్రసంగించారు. శ్రీమన్నారాయణ గారు మాట్లాడుతూ పౌరులందరూ రాజ్యాంగాన్ని అనుసరిస్తే మన భారతదేశం మరింత పురోగతిని సాధించగలదని వివరించారు.

అందరింటి సోదరులు శ్రీ తంగిరాల కేశవశర్మ, శారద గార్ల స్మృత్యర్థం వారి కుమారులు శ్రీ తంగిరాల తేజోమూర్తి గారు వేదం, సంస్కృతం మరియు తెలుగు విభాగాలలో ఉత్తమశ్రేణి విద్యార్థులకు బహుమతి ప్రదానం చేశారు. ఈ బహుమతులను వారి సోదరి శ్రీమతి హైమ దంపతులు స్వయంగా అందించారు. పోటీ ప్రపంచానికి అనుగుణంగా మన కళాశాల విద్యార్థులు కూడా తయారవ్వాలని సూచించారు.

విద్యార్థులకు 23 వ తేదీన Quiz, వ్యాసరచన మరియు గ్రూప్ డిస్కషన్ పోటీలు నిర్వహించబడ్డాయి. గణతంత్ర దినోత్సవ కార్యక్రమంలో విద్యార్థులు దేశభక్తిని పెంపొందించే పలు సాంస్కృతిక కార్యక్రమాలను ప్రదర్శించారు, మిఠాయి పంపిణీ తో కార్యక్రమం ముగిసింది. +++

Attribution Policy : In case you wish to make use of any of the materials in some publication or website, we ask only that you include somewhere a statement like ” This digital material was made available by courtesy of Matrusri Digital Centre, Jillellamudi”.

error: Content is protected !!