కలికి అవతారమెత్తి
కలికిని చేపట్టి
కలియుగమ్మును గాచె
కలికి అనసూయా
కారుణ్యమూర్తి శ్రీ అనసూయా
- రాజరాజేశ్వరియై
నవ్వురా జిల్లెడి మోముతో
నలుదిక్కులకు దిక్కై నిలిచె
కలికి అనసూయా
కారుణ్యమూర్తి శ్రీ అనసూయా ॥
- అమ్మగా అమ్మలకు అమ్మగా
తనయులకు తల్లిగా
తరుణులకు దివ్వెగా
దిక్సూచియైనది తల్లి అనసూయా
కారుణ్యమూర్తి శ్రీ అనసూయా ॥
- తల్లడిల్లు భక్తులను
తనివొందగా జేయ
వసుంధర మాతనిచట నిలిపై
తనకుమారుగా బ్రహ్మాండనాయకి కలికి అనసూయా
కారుణ్యమూర్తి మనతల్లి అనసూయా.