అన్నపూర్ణాదేవి

జగమేలు తల్లికీ కోయిలా

జేజేలు పలుకవే కోయిలా

ఏ పూర్వజన్మలో ఏ పుణ్యమో చేసి

జిల్లెళ్ళమూడిలో అమ్మ ఒడి చేరావు

ప్రేమానురాగాలు అమ్మకాభరణాలు

నీకేమి కొదవంక కోయిలా

గొంతెత్తి పాడవే కోయిలా

||జగమేలు|| 

అందరింటను వెలసి అన్నపూర్ణగ నిలచి

ఆకలీ ఆకలని ఆర్తితో పిలవంగ

కేక విన్నంతనే ఆకలి తీర్చేటి

అమ్మ నామము చేయి కోయిలా….

జన్మసార్థకమౌను కోయిలా

||జగమేలు||       

కరుణామృతము గ్రోల చరణాలపై వ్రాలు

శరణార్థులౌ జనుల కరుణాల తల్లియై

కలిలోన వెలసింది ఇల వేలుపయ్యింది.

జాగేల రావేల కోయిలా…..

రాగాలు మ్రోగాలి కోయిలా…..

||జగమేలు||