ఓ జగజ్జననీ ! విశ్వజననీ ! అనసూయామాతా !
అందరికీ ఆత్మీయతను పంచి మాలో
నీ మాతృత్వ ప్రేమ భావాన్ని నింపినావు
నీకు ఇదే మా శతకోటి వందనాలు
నీవు నేర్పిన ఈ భావనయే మాలో
సోదర సోదరీ తత్వాన్ని మేలుకొలిపింది
ఈ తత్వమే నీ ఇంటిని “అందరిల్లు”గా చేసింది
నీకు ఇదే మా శతకోటి వందనాలు
జయహోమాతా ! అను నీ నామమే
మాలోని నరనరాల్లో ప్రవహిస్తున్నది.
మా యీ మనుగడకు కారణభూతమైన
నీకు ఇదే మా శతకోటి వందనాలు
కాశీలోని అన్నపూర్ణవే జిల్లెళ్లమూడిలో అవతరించి
“అందరింటికి” వచ్చిన వారందరకు ఆకలి దప్పికలు తీర్చి
అన్నపూర్ణాలయంలో అన్నీ నీవయిన మా కన్నతల్లీ !
నీకు ఇదే మా శతకోటి వందనాలు
చదువుల సరస్వతివైన ఓ మంగళమూర్తీ !
అధ్యయనమే సూత్రముగా విద్యాసంపదలు
నీ బిడ్డలకు కుడువబెట్టంగ చూసిన ఓ మాతృశ్రీ
నీకు ఇదే మా శతకోటి వందనాలు
ధన్వంతరీ రూపాన ఇలకుదిగిన రాజరాజేశ్వరి !
రోగభూయిష్టమైన ఈ దేహమునకు
ఉపశమనమును కలిగించిన నీ దివ్యస్పర్శకు
నీకు ఇదే మా శతకోటి వందనాలు.