అనగనగా ఒక అమ్మ
జిల్లెళ్ళమూడమ్మ
అమ్మ గురువు మరుగూ
అమ్మ గురువు మరుగూ
అమ్మ అసలు శక్తి
// అనగనగా //
చిన్ననాట కన్నతల్లి కాలముచేయా
తాను నేనెవరని తనను తాను ప్రశ్నించినదీ.
మాటలేని దేవుళ్ళను వద్దు అన్నదీ
తాను చైతన్యపు ముద్దననీ తెలిసికొన్నదీ.
// అనగనగా //
అనుభవ మివ్వని శాస్త్రము వద్దు అన్నదీ
తాను కన్నదాన్ని వివరించీ చెప్పమన్నదీ.
ధ్యాసే ఎపుడూ ధ్యానము అని చెప్పినదీ
అమ్మ అందరికీ సుగతియనీ వివరించినదీ
// అనగనగా//
చావు పుటక మార్పులనీ నమ్మిన అమ్మ,
తాను జన్మలేనిదారి ఎపుడు వద్దు అన్నదీ
ప్రేమగాను తనకున్నది పంచమన్నదీ
తాను అందరింటి అమ్మగా వెలుగొందినదీ
// అనగనగా//
నాగేంద్రుని తాను కోరి స్వీకరించెను
మననముతో మంత్రమయీ రూపుపొందెనూ
// అనగనగా //
సృష్టి యంత చైతన్యపు స్పందన యనెను
భ్రాంతి లేని బ్రహ్మమునే తాను చూచెను.
గాలి నీరు తిండినీ వదిలివేసెను
యోగముతో అద్వైతము ననుభవించెనూ
// అనగనగా //
అందరినీ సమముగా ఆదరించెను
గుణభేదము కులభేదము వదలివేసెను
ప్రేమతోడ పదిమందికి తనను పంచెను
తృప్తియొకటే ముక్తి యనీ నొక్కి చెప్పెను
// అనగనగా//
మతములలో మర్మములను ఎరిగినయమ్మ
కాలమునూ కరుణనూ గౌరవించెను
రూపులేని మనసు దారి తెలిసినయమ్మ
మనసు తెలిసినపుడు బోధలేదు అనుచు చెప్పెను
// అనగనగా//
కాలమునూ కరుణనూ గౌరవించెను
రూపులేని మనసు దారి తెలిసిన యమ్మ
మనసు తెలిసినపుడు బోధలేదు
అనుచు చెప్పెను
// అనగనగా //