ఇదిగో ఇది
మాతృశ్రీ తత్వచింతనామృతమౌ ఒక సదస్సు
మాతృలోక సంచారులు కావించెడి ఒక తపస్సు
మాతృమహాయజ్ఞమందు సురలు వ్రేల్చు ఒక హవిస్సు
మాతృమహోదధి మథించపైకి వచ్చు ఒక మహస్సు ॥ఇది॥
అమ్మచూపు – అమ్మరూపు – అమ్మమాట – అమ్మ బాట
అమ్మ నడక – అమ్మ పడక – అమ్మలోని ప్రతి కదలిక
అమ్మ ప్రేమ – అమ్మకరుణ – అమ్మ మహావాత్సల్యము
మానవిగా మాధవిగా అమ్మా ధ్యయనముచేసెడి |ఇది||
అంతులేక అడ్డులేక అంతటి కాధారమౌచు
యథార్థమే తనస్థితిగా స్వశక్తితో సాగునట్టి
మరుగు మరుపులేని యట్టి వల్లకాని మిట్టయైన
ఎరుక గల్గు తల్లి నెరుగ తనయులు కావించుచున్న ॥ఇది
శ్రుతులు చదువలేదు కాని స్మృతి సహజముగా నిలచిన
సర్వసమ్మతమ్మె అయిన మతమే నా మతమని చాటుచు
అన్ని నేనులందుకూడ తానై నిలచిన తల్లిని
రాగద్వేషరహితమైన అనసూయను తెలిసికొనగ
తరుణము వచ్చినదేమో ? శ్రద్ధాభక్తులను చూచి
ప్రేరణ తానగుచు మనదు మనసులు మధియించనేర్పి
తత్వజలధిలోతులలో జ్ఞానరత్నములు చూపుచు
తనదు అవయవాలమే మనమను అద్వైతస్థితిని నిల్ప | ఇది||