అమ్మ నేత్రాలు

గగనసీమను – అలంకరించే కాంతి ప్రభంజనాలు,

అఖండ విశ్వసృష్టిని – శాసించే ప్రజ్వలిత

తేజోమయ కల్యాణ ధామాలు – “అమ్మ నేత్రాలు”

ప్రపంచానికి వెలుగు నిచ్చే – చంద్రమండల కాంతులు

వినీల నీలాకాశంలో వెలిగే – శతకోటి నక్షత్ర మండలాలు – “అమ్మ నేత్రాలు”

ప్రజావాహిని – తేజోమయం – చేసే బంగారు కమలాలు

అఖిల జగత్తును – ప్రకాశింప చేసే సూర్యకోటి ప్రభంజనాలు “అమ్మ నేత్రాలు”

జనన – మరణ ప్రయాణంలో వెలుగునిచ్చే సువర్ణజ్యోతులు

సుదీర్ఘ జీవన యాత్రలో – సుందర, మకరంద పారిజాతాలు “అమ్మ నేత్రాలు”.