ప్రేమ మయీ మా అమ్మా
అనురాగదేవత అనసూయమ్మ
మన్నవవారి పట్టిగ పుట్టి
బ్రహ్మాండమ్మున మెట్టిన తల్లి ॥మన్నవ
బిడ్డల నిలలో ఒడి చేర్చుకొని
అలరించేది అమ్మేలే
త్రిమూర్తులనే పాపలు చేసి
ఊయలలూపిన అనసూయ
మాతృమూర్తి మా అమ్మ ॥ప్రేమమయీ||
2
మరపురానిది మధురమైనది
అమ్మ సన్నిధి ఎంతహాయి.॥మరపు||
ధ్యానము సేయగ వేచితిని
ధ్యాసే కుదరక వగచితిని
అమ్మ కనులలో అమృత మొలికే
అది గని నామది ఆనందమందె
జయహోమాత శ్రీఅనసూయ
రాజరాజేశ్వరి శ్రీపరాత్పరి
అను నీ నామం పలుకును ప్రతినోట
అదియే అందరికీ సుగమమైన బాట
3
జిల్లెళ్ళమూడియే జీవన స్వర్గం
అందరి యిల్లే అలరారు నిలయం
అమ్మ నుదుటి కుంకుమయే
అరుణోదయ బింబము అమ్మ కనుల చల్లదనం
చంద్రోదయ కిరణం -అమ్మ రూపమె అమృతకలశం
అమ్మ సన్నిధే అనురాగ కోవెల
అమ్మ పలుకులే అమృతపు జల్లులు
అమ్మనామమె ముక్తికి మార్గం
4
అమ్మ అన్నది ఒక కమ్మని మాట
అమ్మ ప్రేమయే అనురాగాల మూట
అమ్మ ఒడియే విరిసిన పూదోట
అమ్మ చూపించు చక్కని బాట
అందరికి అమ్మ అనసూయమ్మ
జిల్లెళ్ళమూడిలో వెలసెను సుమ్మా॥