మన్నవలో మానవిగా వెలసిన మాధవి
మమత సమత కలబోసిన బాంధవి
అర్కపురికి అరుదెంచిన అపర్ణ
అవనిని నడయాడిన అన్నపూర్ణ
॥మన్నవ॥
ప్రాణికోటి సర్వము నీ ప్రియ సంతు
ప్రాపంచిక పర్వము మాకు మాయతంతు
విశ్వప్రేమల వరపుత్రిక విశ్వజనని శుభపత్రిక
కలువల కనుదోయిడోల కడదాక మము ఊపుమా
॥ మన్నవ॥
నీ అధరాల వెలిగే అమృతవాక్కులు
భవతిమిర విదూరమౌ అద్భుత ఋక్కులు
అభ్రపధపు మణిదీపిక సంభ్రమ తారానవమాలిక
కరముల మాకరముపట్టి కడదాక మము నడుపుమ
॥మన్నవః॥