తృప్తిగాను తినుము తృణమైన పణమైన
పిదప పరులకిమ్ము ప్రీతి ననుచు
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
ఆదరంబు తోడ అన్నంబు పెట్టిన
నీకు ముక్తి కలదు నిక్కమిదని
జీవములను పోసె జిల్లెళ్ళమూడమ్మ
తిరులన్న పలుకు తేనె చినుకు
బాధలెన్నొ కూడి బరువైన గుండెతో
చేరినట్టి వారి చింత తీర్చి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
తేనెలూరునట్టి తెలుగు భాషను పెంచి
భవ్యమైన దేవభాష సాకి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
మాటలాడు వేళ మణుల, మాణిక్యాల
మాటలెన్నొ చెప్పి మాయ విప్పి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
తల్లి ఆశయమ్ము ధన్య “మాతృశ్రీ ”గ
బుధుల బుద్ధియందు పుట్ట చేసి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
“విశ్వజనని” గాను విజ్ఞానరాశియై
నేల మేలుకోరి నెలను నెలను
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
రోగ రహితమైన రోజులుండాలని
హోమియోను నడిపి హామి పంచి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
హాయి నచ్చు వైద్యమల్లోపతి అనుచు
పడకలారు కూర్చి భాగ్యమిచ్చి
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు
మొక్క విలువ తెలిసి పెక్కు ముక్కల పెంచి
“టెర్రి” తోట చూపి ఠీవిగాను
జీవములను పోసె జిల్లెళ్ళమూడమ్మ
తిరుమలన్న పలుకు తేనె చినుకు