1) అభిషేకం సదా కుర్యా ద్ధాన్యేన చ సభక్తికమ్I
ధన్యో భవేత్ పుమాన్నిత్యం ధన ధాన్య సమృద్ధిభిఃII
భావం: ఎంతో భక్తితో మనం ధాన్యాభిషేకం చేయాలి. ఎవరైతే ధాన్యాభిషేకంలో పాలు పంచుకుంటారో వారు ధనధాన్య రాశులతో ధన్యులు కాగలరు.
2 యో లోకో మోదమాప్నోతి ధాన్యరూప ధనేన చ !
సో లోక స్స్వర్గమిత్యాహు స్సర్వశాస్త్ర విశారదాః ॥
భావం : ఏ లోకమైతే ధాన్య సంపదతో సంతోషించునో ఆ లోకమే స్వర్గమని శాస్త్రజ్ఞులు చెప్పుచున్నారు.
3) అన్నమేవ పరం బ్రహ్మ త్వనసూయా వసుంధరాI
దాత్రీ ధాత్రీ చ గాయత్రీ జగత్పోషక రూపిణీ॥
భావం: అన్నమంటే పరబ్రహ్మ స్వరూపం. మన అమ్మ అనసూయా దేవియే భూమాత. ఇచ్చేది, సర్వార్ధములను ధరించేది, తన బిడ్డలను రక్షించేది, లోకాన్ని పోషించేది కూడా మన అమ్మయే.
4) అన్నం నామాన్నపూర్ణేతి పూజా ధాన్య సమర్పణమ్I
ఇతి మత్వా జనాస్సర్వే పూజయంతి చ మాతరమ్॥
భావం: “ఆ అన్నపూర్ణ మాతయే అన్నము. ఆమెను పూజించడమంటే ధాన్యము అర్పించుటే” అని భావించి ప్రజలెల్లరు సర్వేశ్వరియైన అమ్మను ధాన్యముతో పూజిస్తున్నారు.
5) క్షుద్బాధాం వారయత్యేవ సర్వేషాం ప్రాణినాం సదా !
సైవేషా హి జగన్మాతా స్థితి కారక రూపిణీ II
భావం : స్థితి కర్త, జగన్మాత అయిన అమ్మ ఎల్లప్పుడు సమస్త ప్రాణుల యొక్క ఆకలి బాధను నివారించు చున్నది.
6) సర్వేషాం భోజనం దత్వాస్వయం తుష్టా క్షుధాం వినా ।
తస్యాః కృపాం లభేమాద్య ధాన్య యజ్ఞే సమర్చనాత్II
భావం: తాను తినక పోయినా అందరికి భోజనము పెట్టటం ద్వారా సంతోషించే తల్లి అనసూయమ్మ. ఈ ధాన్య యజ్ఞంలో భాగస్వామ్యం పొందుట ద్వారా ఆ తల్లి యొక్క అనుగ్రహాన్ని పొందెదము.
7) న చ తృప్తి ర్భవేత్తస్యాః యో జనో న హి భక్షయేత్I
న గచ్చేచ్చ కదా కో ప్య భుక్త్వా తు తత్ర భోజనమ్II
భావం: వేల మంది భోజనము చేసిన సరే ఒక్కరూ తినకపోయినా అమ్మ తృప్తి పడేది కాదు. ఎందుకనగా ఏ ఒక్కరు కూడా అన్నం తినకుండా అన్నపూర్ణాలయం నుంచి వెళ్ళకూడదని అమ్మ కోరుకునేది.
8) స్వల్పం ధాన్యం చ పర్యాప్త మనల్పపుణ్యకారకమ్I
దద్యాచ్చ శ్రద్ధయా నిత్యం భక్తి భావ పురస్సరఃII
భావం: మనమిచ్చే ధాన్యము కొంచెమైననూ అనంతమైన పుణ్యాన్ని కలిగించును. కాబట్టి శ్రద్ధతో, భక్తితో, ఎల్లప్పుడును అమ్మను సేవించాలి.
9) ధాన్యరూపేణ సించేచ్చ ధనరూపేణ వాథవాI
సమర్చయేత్సదా భక్త్యా పరమానంద యోగినఃII
భావం: మిక్కిలి సంతోషంతో, భక్తితో, నిరంతరం ధాన్య రూపంతో గాని ధన రూపంతో గాని పరాత్పరియైన మన అమ్మను లోకోపకారమునకై అర్చించాలి.
10) కియద్దేయం కథం దేయమితి చిన్తా చ నోచితమ్I
సద్యోదేయం సదా దేయం సేవా భావ మనస్విభిఃII
భావం: ధాన్యాభిషేకానికి ఎంత ఇవ్వాలి? ఎలా ఇవ్వాలి అనే ఆలోచనే తగినది కాదు. ఇవ్వాలనుకున్నది వెంటనే ఇవ్వాలి. త్యాగ భావం కలవారు ఎప్పుడు కుదిరితే అప్పుడు ఇవ్వచ్చు.
11) శతయజ్ఞఫలం సర్వం శతవ్రత ఫలేప్సితమ్I
సిధ్యతే ధాన్య వర్షేణ శ్రుణు పుత్ర! మహద్వచః ॥
భావం: కుమార! గొప్ప వాక్యము విను. నూరు యజ్ఞములు చేసిన ఫలము, నూరు వ్రతముల ద్వారా కోరే ఫలము ధాన్యమును అర్పించుట ద్వారా కలుగుతుంది.
12) దుఃఖార్తో ముచ్యతే దుఃఖాత్ బంధనాచ్చ విముచ్యతే
తృణాభిషేక కార్యేణ సర్వపాపాత్ప్రముచ్యతే
భావం : పుణ్య మగు ధాన్యాభిషేక కార్యము ద్వారా ఆకలితో బాధపడే వారి దుఃఖమును పోగొట్టుట ద్వారా తన దుఃఖము నుండి విడువబడును. బంధనములు తొలగిపోవును. అన్ని పాపములనుండి విముక్తుడగును.
13) కృష్ణార్పణమిదం సర్వం యదస్మాభి స్సమర్పితమ్I
తస్మాద్ధాన్యంచ దాతవ్యం మనోవాక్కాయకర్మభిఃII
భావం: మనం సమర్పించేది ప్రతీది “ కృష్ణార్పణం” అంటారు. అందువలన త్రికరణశుద్ధిగా మనం సమర్పించే ధాన్యం కూడా కృష్ణార్పణమే కదా. అమ్మ కృష్ణునిగా సాక్షాత్కరించెను కదా!
14) సత్కార్యంచ బృహత్కార్యం కోటిపుత్రాభిరంజకమ్I
దినదినాభివృద్ధిశ్చ లప్స్యతే పుణ్య కర్మభిః
భావం: ఇది ఒక మంచి కార్యమే కాదు. గొప్పదైన, బృహత్తర మైన కార్యక్రమం. కోట్లాది బిడ్డలను సంతోష పెట్టే కార్యక్రమం. ఇటువంటి పుణ్య కర్మల ద్వారా దినదినాభివృద్ధి జరుగుతుంది.
15) భవతి! దేహి భిక్షామిత్యే తద్వాక్యం జనైః శ్రుతమ్I
అత్రత్వన్నప్రసాదం చ న తు భిక్షాన వేతరాII
భావం: లోకంలో ‘భవతి! భిక్షాం దేహి’ అనే వాక్యం వింటూ ఉంటాం. కాని జిల్లెళ్ళమూడిలో అది అన్నప్రసాదమే తప్ప భిక్ష కాదు, మరే ఇతర మైనది కాదు.
16) నాగేశ్వరాన్నదాతారం జగత్పితేవ భాజనమ్I
తం చ మహోన్నతం వందే మాతుః పరదైవతమ్II
భావం: జగత్తుకు తండ్రి వలే ప్రకాశించు, ఈ అన్నప్రసాదానికి మూలకారకుడు, మహోన్నతుడగు, తల్లికి అత్యంత దైవస్వరూపుడగు నాగేశ్వరరావు నాన్నగారికి నమస్కరించు చున్నాను.
17) పుష్పైస్సప్తదశశ్లోకై రర్చితా ధాన్యరూపిణీ ।
ధాన్యాభిషేక సంతుష్టా దద్యాన్మాతా శుభావళిమ్ ॥
భావం: ఈ 17 శ్లోకాల ద్వారా శ్లోకార్చన స్వీకరించిన, ధాన్య రూపమగు మా అమ్మ ధాన్యాభిషేకం ద్వారా సంతోషించినదై మాకు శుభములను కలిగించు గాక!
జయహూ మాత మాతాన్నపూర్ణేశ్వరికి……జై జగత్పిత నాన్న గారికి…. జై