ధాన్యాభిషేక ప్రియ

1. ధాన్యాభిషేకమునకై 

అన్యాలోచనలు మాని అడుగిడ వలదే! 

ధన్యులమై, మన మిక ధన 

ధాన్య సమృద్ధిని గడింప తరుణం బిదియే.

1. శ్రీ ప్రణాళికలు మీ ప్రయత్నములున్ 

మీదు శక్తి యుక్తి మీదు భక్తి 

విశ్వజనని కొరకు వెల్లువ లెత్తగా

 అన్నపూర్ణ నిధికి అడ్డు గలదె?

1. నిత్య చైతన్య శీలురు నిజము మీరు 

అమ్మ సేవకు మీరెల్ల అగ్రగాము 

లగుచు ధాన్యాభిషేకమ్ము నద్భుతముగ

 జరుపరండోయి మన అమ్మ చరణములకు.

1. అమ్మ ఆశయమగు ఆకలిపై యుద్ధ

 మనవరతము జరుగు అర్కపురిని 

అమ్మ బిడ్డ లెల్ల అలుపు సొలుపు లేక

 కదనరంగ మందు కదల వలదె?

1. మానవసేవ యొనర్పగ 

పూనికతో మాధవునికి పూజ యొనర్పన్

కనుగొన్న ఉపాయ మిదియె

ఒనరగ ధాన్యాభిషేక మొకటియె చాలున్.

1. అమ్మ పాదములకు అర్పించు ధాన్యమ్ము 

సిరులు సంపదల లిడు వరము కాదె! 

గుప్పెడంత ఇచ్చి కొండంత పొందగా

తరుణ మీదెయటంచు తలప వలదె?

1. ఇమ్ముగ జనులకు ఆకలి 

వమ్మయి పోవలెను గాక! వసుధ నటంచున్

నెమ్మది సంకల్పించిన

అమ్మకు ధాన్యాభిషేక మానంద మహో!

1. ఇమ్ముగ అందరిలోకటి ఏర్పడ జేసిన అమ్మ లక్ష్యమున్

 నెమ్మనమందు గుర్తెఱిగి నీమము భక్తియు మేళవింపగా

 అమ్మకు ధాన్య మిచ్చెడు మహత్తరమైన సమర్చంబునన్ 

సమ్మతితోడ పాల్గొనుడు; సార్ధకమౌనిక సర్వ సంపదల్.

1. అమ్మయె మూలకారణ మనంత జగత్తున కెల్ల వేళలన్

 అమ్మయె ప్రేరణమ్ము గద అర్థము శబ్దము రూపుదాల్చగా

 అమ్మయె ప్రాణశక్తియగు నంతట సర్వము నిర్వహింపగా

 అమ్మను మించి వేరుగలదా! మరి ఏడుగడౌను అమ్మయే.