మంగళ మనరే – అనసూయ మాతకు

ఆదిరాగం- మధ్యమావతి

మంగళమనరే మన అనసూయకు

హారతులీరే – ఆది జననికిని

1. మన్నవ వంశోద్ధర్తికి – మాతకు

 బ్రహ్మాండ – వంశపావనికి 

అందరికిని మరి సుగతిని చాటిన 

అఖిలాండేశ్వరి – ఆనందరూపికి

 ॥మంగళ॥

1. సర్వ సమ్మతమె తన మతమంటూ 

సర్వజీవులను తన రూపమెయను

 సకల చరాచర జగద్ధాత్రికిని 

సంతత శ్రీ నాగేశగేహినికి

॥మంగళ

1. జనన మరణముల శాసన కర్ణికి 

జీవిత జీవన సకల ప్రదాత్రికిని

 జడచేతనముల పాలిత జననికి 

జిల్లెళ్ళమూడి నిత్యనివాసికి