1. Home
  2. Articles
  3. Viswajanani
  4. సర్వశక్తియుత

సర్వశక్తియుత

Vitala Ramachandra Murthy
Magazine : Viswajanani
Language : Telugu
Volume Number : 22
Month : October
Issue Number : 3
Year : 2022

ఏ మహాసౌందర్యమిలలోని జనులకు ఎనలేని ఆహ్లాదమిచ్చునెపుడు

ఏ దేవి కారుణ్యమెవ్వారికైనను అదనులో వర్షమై ఆర్తి నణచు

ఏ దివ్యపరిమళ మెల్లెడ ప్రసరించు మంచిగంధము వోలె మహిమ గలిగి

ఏ వాక్కు మధురమై ఎవ్వరికైనను వీనుల విందుగా వెలయుచుండు

 

  1. అట్టి లావణ్య పరసీమ అద్భుతముగ

అవతరించెను అమ్మయై అర్కపురిని

అమృత వారాశి బుట్టిన ఆదిలక్ష్మి

మనను కరుణింప వచ్చిన మాతృమూర్తి

 

  1. కారుణ్యంబును వత్సలత్వమును సాకారంబుగా అమ్మయై

సారూప్యంబున కెంత మాత్ర మెవరున్ చాలంగ లేనట్లుగా

భారం బంతయు మోయుచున్ మనల తా పాలించుచున్ నిత్యమున్

పారంబే కనరాని దేవి మనకై ప్రాదుర్భవించెం గదా!

 

  1. అమ్మ తలంపులే మనకు అందరి కెప్పుడు అండయౌనుగా

ఇమ్మహి అమ్మరక్షణయె ఎవ్విధినైనను పూర్ణమౌ గదా!

అమ్మయె సర్వశక్తియుత; ఆపద బాపును సౌఖ్యదాయియై

అమ్మను మించి ఎవ్వరిక ఆదుకొనంగ సమర్థులీ యిలన్?

 

  1. అమ్మ అనుగ్రహం బదియ అంతయు వర్షము రీతిగా పడున్

తమ్ము తరింప చేయగను తత్పరతన్ తపియించుచుండగా

దమ్మును కల్గ జేయుటకు దక్షతతో దరిచేరి యుండగా

సమ్మతి తోడ నెల్లరకు సన్నిధి నిచ్చుచు ఆదరంబునన్.

 

  1. “ఈ నా సాధన బిడ్డలన్ కనుటయే ఏ ప్రొద్దునైనన్ తగన్

కన్నా నందరి నాదు దైవములుగా కన్ఫార్ప కెల్లప్పుడున్

ఉన్నా నిక్కడ వారి మేలు కొరకే ఉప్పొంగి పాలింపగా

ఎన్నంగా నదియే ముదం “బను నహెూ! ఈ అమ్మకున్ మ్రొక్కెదన్.

Related Articles

Attribution Policy : In case you wish to make use of any of the materials in some publication or website, we ask only that you include somewhere a statement like ” This digital material was made available by courtesy of Matrusri Digital Centre, Jillellamudi”.

error: Content is protected !!