1) శ్రీ కుప్పచ్చి బాలకృష్ణమూర్తిగారు 28-12-2024న అమ్మలో ఐక్యమైనారు. వారి స్వస్థలం నెల్లూరు దగ్గర ‘ విడవలూరు’ అనే గ్రామం. ఈయన నెల్లూరు డాక్టర్ గారైన శ్రీ S.V.సుబ్బారావు గారి దగ్గర కాంపౌండర్గా పని చేశారు. అమ్మయందు దృఢమైన భక్తివిశ్వాసాలు కలవారు, జిల్లెళ్ళమూడిలో కొంత కాలం ఉన్నారు. ఈయన కుమార్తె అయిన శ్రీమతి లావణ్య ‘మాతృశ్రీ ఓరియంటల్ కళాశాల’ పూర్వ విద్యార్థిని.
2) హైదరాబాదు వాస్తవ్యులు సోదరులు శ్రీ బండారి వెంకటేశ్ గుప్తాగారు (70) 2025 జనవరి 17వ తేదీ రాత్రి 8గంటలకు అమ్మలో ఐక్యం అయ్యారు. వారి సతీమణి శ్రీమతి రాజరాజేశ్వరి (రాణి అక్కయ్య) గారు. సోదరి రాణి, వారి తండ్రి శ్రీ కొండూరి శేషయ్యలింగం గారు అమ్మ యెడల విశేష భక్తి విశ్వాసాలు కలిగి సంస్థసేవాసంస్థల నిర్వహణ, అభివృద్ధికి ఎనలేని సహాయసహకారాల నందించారు.
3) శ్రీ లక్కరాజు రామ కోటేశ్వరరావుగారు ఆకస్మికంగా గుంటూరులో 20-1-2025 న తుదిశ్వాస విడిచి అమ్మలో ఐక్యమైనారు. స్మితపూర్వాభిభాషి ఆత్మీయతామూర్తి అయిన రామకోశ్వరరావుగారు అందరింటి సోదరీసోదరులందరికీ సుపరిచితులే. SVJP కార్యాలయంలో Treasurer గా చిరకాలం తమ అమూల్య సేవల నందించారు. ధాన్యాభిషేక ఉత్సవం జయప్రదం ఫలప్రదం కావటం, తద్వారా అన్నపూర్ణాలయం స్వయంసమృద్ధి సాధించటంలో కీలకపాత్ర వహించారు.
దాతలకు రశీదు, ప్రసాదం, అమ్మ శేషవస్త్రం అందించటం, ఏటా సంస్థ ఖాతాలను Audit చేయించటం. వంటి సేవా కార్యక్రమ నిర్వహణే అమ్మసేవగా తన ఊపిరిగా అర్చనగా ఎంచి ఆదర్శప్రాయులైనారు. వారి సేవలు చిరస్మరణీయాలు,
పై కుటుంబసభ్యులకు శ్రీ విశ్వజననీ పరిషత్ ట్రస్ట్ తమ ప్రగాఢ సంతాపాన్ని సానుభూతిని తెలియజేస్తోంది.