కలువ వెన్నెల మొగ్గ కలలోని రారాజు
మనసైన రూపునే మాటుగా గొనువాడు
బ్రహ్మాండవంశాన శ్రీవత్సలాంఛనుడు
అనసూయ మనములో మీనాంకుడతడే |
నామచింతనచేత రూపతత్త్వమునొంది.
మదిలోన మదియౌచు మరుగొందువాడు
(మూలంపుటమ్మకే మూలసూత్రంబగుచు
కనురెప్పయొడిలోన శయనించువాడు. ॥కలువ||
అమ్మలో అమ్మగా గురువౌచు వెలుగొందు
మేరునగధీరుడౌ బ్రహ్మాండసముడూ.
కర్తృత్వరహితుడై కరణమే తానౌచు
పరమయోగంబునే చూరగొనువాడూ
జిల్లెళ్ళమూడిలో నాగేశ్వరుండౌచు
తోడుగా నీడగా రక్షించువాడూ.
॥కలువ||