Anantha Ramulamma

శ్రీమతి అనంత రాములమ్మ (రాముడక్కయ్య)

ఈమె స్వస్థలం పరుచూరు మండలం చెరుకూరు గ్రామం. తల్లిదండ్రులు శ్రీదాసరి యల్లమంద, శ్రీమతి పేరమ్మ. ఈమె మెట్టిన ఊరు కొమ్మూరు గ్రామం. భర్త శ్రీ అనంత వెంకటేశ్వర్లు. ఈమెకు ఒక కుమారుడు. ఈమె వయస్సు 95 సంవత్సరాలు పైబడి. తొలి రోజుల్లో అమ్మకు అమూల్యమైన సేవలనందించిన డా॥ అనంత సీతాచలంగారికి ఈమె మరదలు.

సేవాతత్పరత : వందో పడిలో ప్రవేశించినా ఒంటరిగా అవతారమూర్తి ‘అమ్మ’ నడయాడిన పవిత్రక్షేత్రం – అర్కపురి (జిల్లెళ్ళమూడి) లో స్థిరనివాసం చేస్తోంది. ఇప్పటికీ అనుదినం తెల్లవారుఝామున 5 గంటలకి స్నానంచేసి, పూలవనంలో పూలుకోసుకుని ‘అమ్మ’ నివసించిన కుటీరంలోని అఖండ నామసంకీర్తనా స్థలం వద్ద కల అమ్మ పాదుకలను అర్చించుకొని, రోజూ రెండు గంటలు అమ్మ నామం చేసుకొనే ఈ అక్కయ్య, అమ్మదయకు సాకారరూపం. అందరింటి అన్ని అభివృద్ధి కార్యక్రమాల్లో అవిశ్రాంతంగా సకుటుంబంగా పాల్గొని అమ్మనర్చించుకుంటున్న పుణ్యశీలి.

వినికిడి సమస్యతో బాధపడుతున్న ఈ అక్కయ్యని శ్రీమతి మన్నవ శేషు మరియు శ్రీ రావూరి ప్రసాద్ 03-04-2012వ తేదీన జిల్లెళ్ళమూడిలో చేసిన ఇంటర్వ్యూ సారాంశం 

****************

గమనిక: ఈ ఇంటర్వ్యూని పుస్తకానువాదం చేసే క్రమంలో  కొంతమేర భాషను సరిచేయటమైనది.